28.04.2010

Aðalfundur TBR 2010

Aðalfundur TBR var haldinn þriðjudagskvöldið 27. apríl sl. Kosið var um formann eins og gert er ár hvert og var Jóhannes Helgason endurkjörinn enda einn í framboði. Einnig voru kosnir áfram í stjórn þeir Árni Þór Hallgrímsson og Guðmundur Adolfsson. Einar Óskarsson verður áfram fulltrúi ungu kynslóðarinnar.

Sigríður Jónsdóttir fyrrverandi formaður Badmintonsambands Íslands var kosin fundarstjóri og Jóhannes Helgason formaður TBR gerði grein fyrir skýrslu stjórnar. Sigfús Ægir Árnason framkvæmdastjóri félagsins gerði grein fyrir reikningum félagsins og lagði til óbreytt árgjald fyrir næsta ár. Allt var þetta samþykkt samhljóða.

Komið var með tillögur að bættri ímynd félagsins út á við og var þeim tillögum beint til nýrrar stjórnar fyrir næsta starfsár.

TBR gefur út fréttablað á hverju ári í tengslum við aðalfundinn og má þar finna t.a.m. skýrslu stjórnar, reikninga félagsins og myndir frá hinum ýmsu viðburðum starfsársins. Í fyrsta sinn er þetta rit einnig gefið út á rafrænu formi og má nálgast það með því að smella hér. Til að geta lesið TBR-fréttir á rafrænu formi þarf að hafa Adobe Acrobat Reader sem hægt er að niðurhala frítt með því að smella hér