Yonex Dutch Open Grand Prix hefst í dag

Yonex Dutch Open Grand Prix hefst í dag í Almere í Hollandi. Meðal keppenda eru Helgi Jóhannesson og Ragna Ingólfsdóttir. Ragna spilar í undankeppninni í dag auk þess sem þau leika saman í tvenndarleik í undankeppninni. Helgi slapp við undankeppnina og leikur á morgun í einliðaleik.

Ragna leikur gegn Josephine Wentholt frá Hollandi í fyrstu umferð undankeppninnar. Ekki er vitað mikið um þá hollensku enda er hún ekki skráð á heimslista Alþjóðabadmintonsambandsins. Það þýðir að hún hefur ekki náð að spila á tveimur alþjóðamótum á síðast liðnu ári. Leikurinn hefst kl 14:20 að staðartíma eða kl 12:20 að íslenskum tíma.

Helgi og Ragna leika svo saman í tvenndarleik kl 16:00 að staðartíma eða kl 14:00 að íslenskum tíma. Þeirra bíður leikur gegn Jurgen Wouters og Eefjke Muskens frá Hollandi.

Hægt er að fylgjast með beint frá mótinu með því að smella hér og velja svo "view livescores" efst í hægra horninu.

Öll úrslit dagsins má nálgast með því að smella hér

Til að sjá niðurröðun í mótið smellið hér.