Meistaramót TBR fór fram í húsakynnum félagsins dagana 7. og 8. janúar sl. Keppt var í Meistara- A- og B-flokki. Keppnin var jöfn og spennandi og hart barist í öllum flokkum. Íslandsmeistarinn í einliðaleik karla, Magnús Ingi Helgason var enn á landinu eftir jólafrí en hann er búsettur í Danmörku og tók þátt í mótinu.
Leikið var með riðlafyrirkomulagi í einliðaleik í mótinu og í Meistaraflokki fóru tveir leikmenn upp úr hverjum riðli. Í einliðaleik karla í Meistaraflokki léku til úrslita þeir Atli Jóhannesson TBR og Magnús Ingi Helgason líka úr TBR. Leikurinn var jafn og þá sér í lagi síðari lotan. Það fór þó svo að Magnús Ingi hafði betur 21-18 og 23-21. Til að sjá nánari úrslit úr einliðaleik karla smellið hér
Í einliðaleik kvenna í Meistaraflokki var keppnin ekki síður spennandi. Eftir erfiðan undanúrslitaleik gegn Söru Högnadóttur TBR var Snjólaug Jóhannsdóttir komin í úrslit gegn systur sinni Margréti Jóhannsdóttur en þær koma báðar úr TBR. Snjólaug sýndi þó að hún er í góðu formi um þessar mundir og sigraði nokkuð örugglega 21-14 21-15. Nánari úrslit úr einliðaleik kvenna í Meistaraflokki er að finna hér
Í tvíliðaleik karla hafa þeir Helgi Jóhannesson og Magnús Ingi Helgason verið sterkasta par landsins í þó nokkurn tíma og fáir sem hafa getað skákað þeim. Þó voru óvænt úrslit í tvíliðaleiknum þegar ungir piltar frá Akranesi þeir Egill Guðlaugsson og Ragnar Harðarson komust í úrslitaleikinn gegn þeim Helga og Magnúsi Inga. Reynsla þeirra Helga og Magnúsar var of stór munnbiti fyrir ungu piltana og sigruðu þeir Helgi og Magnús nokkuð örugglega 21-15 21-8. Hægt er að sjá úrslit allra leikja í tvíliðaleik karla í Meistaraflokki með því að smella hér
Í tvíliðaleik kvenna kom Elsa Nielsen inn í mótið í staðin fyrir Karitas Ósk Ólafsdóttur sem átti við veikindi að stríða. Elsa spilaði með Snjólaugu Jóhannsdóttur og gerðu þær sér lítið fyrir og sigruðu í mótinu. Þær mættu í úrlsitum þeim Margréti Jóhannsdóttur og Söru Högnadóttur en allar koma þessar stelpur úr TBR. Úrslitaleikurinn endaði 23-21 og 21-10. Öll úrslit úr tvíliðaleik kvenna í Meistaraflokki er að finna hér
Í tvenndarleik léku til úrslita þau Helgi Jóhannesson og Elín Þóra Elíasdóttir annars vegar og Daníel Thomsen og Margrét Jóhannsdóttir hins vegar, öll úr TBR. Helgi og Elín sem fyrir mótið voru talin sigurstranglegust í tvenndarleiknum sigruðu eftir harða baráttu 21-17 21-17. Til að sjá úrslit einstakra leikja í tvenndarleik í Meistaraflokki smellið hér
Í A-flokki urðu úrslit eftirfarandi:
Einliðaleikur karla
1. Ólafur Örn Guðmundsson BH
2. Daníel Jóhannesson TBR
