Reykjavíkumeistaramót barna og unglinga 2026

Reykjavíkumeistaramót barna og unglinga fór fram í TBR-húsinu helgina 19.–20. september. Badmintonráð Reykjavíkur sá um mótið og tókst mótið afar vel. Á laugardeginum var keppt í einliðaleik og á sunnudeginum í tvenndarleik, í aldursflokkum frá U11 upp í U19.

Það var gaman að sjá fjörið og stemninguna í húsinu yfir helgina. Ungir badmintonspilarar fengu tækifæri til að keppa, takast á við áskoranir og njóta þess að vera hluti af keppnisumhverfi þar sem gleði, virðing og samvinna skipta jafn miklu máli og árangurinn sjálfur.

Við hjá TBR viljum þakka öllum iðkendum, þjálfurum, foreldrum, Unglingaráði TBR, Foreldrafélagi TBR, sjálfboðaliðum og öðrum sem lögðu hönd á plóg við framkvæmd mótsins. Það er sameiginlegt verkefni okkar allra að skapa það umhverfi sem við viljum sjá fyrir næstu kynslóð badmintonfólks.