Sumarskóli TBR 2026

 

​

 

 

​

​

​

​

​

​

​

​

​

​

​

​

​

Sumarskóli TBR hefur verið starfræktur í um 40 ár. Þetta er alhliða íþróttaskóli þar sem fjölmargar íþróttagreinar eru á dagskrá. Badminton skipar þó veglegan sess, enda er hún aðalíþrótt TBR. Í sumar bjóðum við upp á íþróttaskóla fyrir börn á aldrinum 6–12 ára, þar sem skipt er í hópa eftir aldri.

Opið er í TBR frá 8:30-16:30 fyrir krakkana en námskeiðið hefst frá 09:00 og lýkur 16:00, 5 daga vikunnar (nema rauða daga yfir sumarið). 

Á námskeiðinu er stefnt að því að kynna nemendum helstu grunnatriði badmintoníþróttarinnar, svo sem grip, uppgjöf og háhögg. Kennslan fer bæði fram í leikjaformi og með tækniæfingum, þar sem erfiðleikastig er aðlagað að aldri og getustigi þátttakenda. Nemendur kynnast einnig helstu leikreglum.

Mikil áhersla er lögð á að námskeiðið sé fjölbreytt, spennandi og skemmtilegt, og nýtum við frábæra staðsetningu í Laugardalnum. Á hverju námskeiði er meðal annars farið í Fjölskyldu- og húsdýragarðinn og í sund í Laugardalslaug. 

Öll börn í sumarskólanum fá viðurkenningu fyrir þátttöku og verðlaunapening, í samræmi við stefnu ÍSÍ um þjálfun barna og unglinga.​​

​

Skráning

• Hægt er að skrá í sumarskóla TBR hér: https://www.abler.io/shop/tbr/25/product/Q2x1YlNlcnZpY2U6NTU0ODQ=?

​